යට මෙව්ව එක හෙවත් යටිතල පහසුකම
සුපර් මෑන් උඩින් අඳින..
නිකන් මෑන් යටින් අඳින..
කොයි කාටත් නැතුවම බැරි..
ශිෂ්ට බවේ සොදුරු ළකුණ..
පිට කොටුවේ හරි ලාබෙට..
තුනේ ගොඩක් දෙසීයකට..
දුප්පත් අසරණ ඈයෝ..
තෝරන්නේ පොරකාගෙන..
ODEL එකේ තුන්දාහට..
එකම ඇඳුම රෙදි අඩුවට..
Fashion එකට මුල්තැන දෙයි.
සිටු මැදුරේ කෙලි සිඟිත්ත..
සුදු පාටට කලුපාටට..
රතු පාටින් බෝල බෝල..
නිල් සමනල් රෑන් ඇදෙති..
රෝස පාට මල් ගොමුවට..
එනමුත් ඒ පුංචි ඇදුම..
නැති කොට දැනෙනා නිදහස..
අත්විඳ ඇත ඔබත් මමත්..
නෑ ඒ ගැන කිසි සැකයක්..
මුළු දවසම සිර කරගෙන..
හිටියත් ඔබ අපි හැමදෙන..
නිදාගන්න මොහොතට පෙර..
සමුදෙන්නේ හදපතුලින..
කිසිවෙක් කිසි දින මෙලෙසින්..
කවි හැදුවද මෙවන් ලෙසට..
කෝප නොවන් කිසි ලෙසකින්..
අපි හැමෝම එක යායක..
කිසිවක් නොකියමි! අදහස් ඔබ සතුය.
No comments:
Post a Comment